1. அண்மைச் செய்திகளில் இடம்பெற்ற, ‘HEL1Os’ நிறமாலைமானியுடன் தொடர்புடைய நாடு எது?
அ. இஸ்ரேல்
ஆ. இந்தியா 🗹
இ. அமெரிக்கா
ஈ. ரஷ்யா
- ஆதித்யா-L1 விண்கலத்தில் உள்ள High Energy L1 Orbiting X-ray Spectrometer (HEL1OS) அக்.29 முதலான அதன் ஆரம்ப கண்காணிப்பு காலகட்டத்தில் சூரிய ஒளிக்கீறல்களை அது வெற்றிகரமாக கைப்பற்றியதாக இந்திய விண்வெளி நிறுவனம் +மான இஸ்ரோ குறிப்பிட்டுள்ளது. ஹெல்1ஓஎஸ் அக்டோபர் 27 அன்று இயக்கப்பட்டது. , 2023, மற்றும் தற்போது அதன் வரம்புகள் மற்றும் அளவுத்திருத்த செயல்பாடுகளை நன்றாகச் சரிப்படுத்தும் பணியில் உள்ளது. இஸ்ரோ கூறியபடி, சூரியனின் உயர் ஆற்றல் X-கதிர் செயல்பாட்டை விரைவான நேரம் மற்றும் உயர் தெளிவுத்திறன் கொண்ட நிறமாலையுடன் கண்காணிக்க இந்தக் கருவி வடிவமைக்கப்பட்டுள்ளது.
2. NASAஇன் கியூரியாசிட்டி தரையூர்தியானது (rover) கீழ்காணும் எந்த வான் பொருளை ஆய்வுசெய்வதற்காக ஏவப்பட்டது?
அ. ஞாயிறு
ஆ. செவ்வாய் 🗹
இ. புதன்
ஈ. வியாழன்
- NASAஇன் கியூரியாசிட்டி தரையூர்தியானது செவ்வாய் கோளில் 4000 செவ்வாய் நாட்களை 2023 நவ.07 அன்று நிறைவுசெய்தது. கடந்த 2012 ஆகஸ்ட்.05 அன்று செவ்வாய் கோளின் கேல் பள்ளத்தாக்கில் அது தரையிறங்கியது. பண்டைய செவ்வாய் கோளில் நுண்ணுயிரிகளுக்கு சாதகமான நிலைமைகள் உள்ளதா என்பதை ஆய்வுசெய்வதே இதன் நோக்கமாகும். ஒரு மகிழுந்து அளவிலான இந்தத் தரையூர்தி செவ்வாய் கோளில் கிட்டத்தட்ட 32 கிமீ பயணம் செய்து 39ஆவது மாதிரியான, ‘செக்வோயா’ என்ற புனைப்பெயர் கொண்ட பாறையை துளையிட்டுள்ளது. இந்தத் தரையூர்தி 10 அடி நீளமும் 9 அடி அகலமும் 7 அடி உயரமும் கொண்டதாக உள்ளது.
3. அமெரிக்காவின் ஃபேஷன் டிசைனர்ஸ் கவுன்சிலின் ஃபேஷன் ஐகான் விருதை வென்ற முதல் தடகள வீரர் / வீராங்கனை யார்?
அ. மேரி கோம்
ஆ. செரீனா வில்லியம்ஸ் 🗹
இ. சிமோன் பைல்ஸ்
ஈ. விராட் கோலி
- கடந்த ஆண்டு டென்னிஸில் இருந்து ஓய்வுபெற்ற டென்னிஸ் வீராங்கனை செரீனா வில்லியம்ஸ், அமெரிக்காவின் ஃபேஷன் டிசைனர்ஸ் கவுன்சில் வழங்கும் ஃபேஷன் ஐகான் விருதை வென்ற முதல் தடகள வீராங்கனை ஆனார். அமெரிக்க ஃபேஷனுக்கான அவரது பங்களிப்புகளுக்காக கிம் கர்தாஷியனால் இந்த விருது வழங்கப்பட்டது.
4. ஓர் அண்மைய ஆய்வின்படி, எத்தனை சதவீதம் பேர் சமூக ஊடக தளங்கள் வாயிலாக செய்திகளைத் தெரிந்து கொள்கின்றனர்?
அ. 16%
ஆ. 36%
இ. 56% 🗹
ஈ. 76%
- ஐநா அவையானது இணையத்தில் உலவும் போலிச்செய்திகள் மற்றும் வெறுப்பூட்டும் பேச்சுகள் ஆகியவற்றின் அதிகரித்துவரும் பிரச்னை குறித்து ஓர் எச்சரிக்கையை எழுப்பியதோடு அதன் பரவலைக் கட்டுப்படுத்துவதற்கான ஓர் உத்தியையும் வெளியிட்டுள்ளது. ஓர் ஆய்வின்படி, இணைய பயனர்களில் சுமார் 56 சதவீதம் பேர் சமூக ஊடக தளங்கள் வழியாக செய்திகளைத் தெரிந்துகொள்வதாக ஐநா தெரிவித்துள்ளது.
5. ‘உலகப் பயணச் சந்தை – 2023’ என்ற நிகழ்வை நடத்தும் நகரம் எது?
அ. லண்டன் 🗹
ஆ. புது தில்லி
இ. பாரிஸ்
ஈ. ரோம்
- இந்திய அரசின் சுற்றுலா அமைச்சகம், லண்டனில் நடைபெறும் உலகப் பயணச் சந்தை-2023இல் பங்கேற்றது. பல வகையான சுற்றுலாத் தயாரிப்புகளையும், இந்தியாவிற்குப் பயணிக்கும் பயணிகளுக்குத் தொடர்ச்சியான மாற்றத் தக்க அனுபவங்களையும் காட்சிப்படுத்துவதே இந்தப் பங்கேற்பின் முதன்மை நோக்கமாகும். “Incredible India! Visit India Year 2023” என்ற கருப்பொருளின்கீழ், இந்த முன்னெடுப்பு மேற்கொள்ளப்பட்டுள்ளது.
6. ‘உலக உள்ளூர் உற்பத்தி மன்றத்தை’ நடத்தும் நாடு எது?
அ. நெதர்லாந்து 🗹
ஆ. இந்தியா
இ. இலங்கை
ஈ. இங்கிலாந்து
- நெதர்லாந்தின் ஹேக் நகரத்தில் நடைபெற்ற இரண்டாவது உலக உள்ளூர் உற்பத்தி மன்றத்தில் மத்திய வேதிகள் மற்றும் உரங்கள் துறை இணையமைச்சர் பகவந்த் குபா தலைமையிலான இந்திய தூதுக்குழு பங்கேற்றது. உலக உள்ளூர் உற்பத்தி மன்றம் என்பது மருந்துகள் மற்றும் பிற சுகாதார தொழில்நுட்பங்களுக்கான அணுகலை அதிகரிக்கும் நோக்குடன் உலக சுகாதார அமைப்பின் முன்முயற்சியில் உருவாக்கப்பட்ட ஒரு மன்றமாகும்.
7. அண்மையில் பறப்புச் சோதனை செய்யப்பட்ட, ‘பிரளய்’ என்றால் என்ன?
அ. உத்திசார்ந்த எறிகணை 🗹
ஆ. கண்டம் விட்டு கண்டம் பாயும் எறிகணை
இ. பீரங்கி எதிர்ப்பு எறிகணை
ஈ. மேற்பரப்பில் இருந்து வானில் உள்ள இலக்கைத் தாக்கும் எறிகணை
- சமீபத்தில், ஒடிசா கடற்கரையில், இந்தியா, ‘பிரளய்’ என்ற உத்திசார்ந்த எறிகணையை வெற்றிகரமாக சோதனை செய்தது. இச்சோதனையின் போது, அந்த எறிகணை சுமார் 500 கிலோமீட்டர் தூரம் வரை தனது முழு வீச்சையும் கடந்து தனது திறனை வெளிப்படுத்தியது. இவ்வெறிகணை எதிர்பார்க்கப்பட்ட அனைத்து அளவுருக்களையும் பூர்த்தி செய்தது. இதன் நோக்கங்கொண்ட செயல்பாட்டின்மூலம் இச்சோதனை மிகவும் வெற்றிகரமாக கருதப்பட்டது.
8. இந்தியாவிற்கு, ‘ஹெர்ம்ஸ்-900’ என்ற ஆளில்லா விமானங்களை வழங்குகிற நாடு எது?
அ. ரஷ்யா
ஆ. இஸ்ரேல் 🗹
இ. பிரான்ஸ்
ஈ. அமெரிக்கா
- ஹெரான் மார்க்-2 ஆளில்லா விமானங்களின் அறிமுகம் மற்றும் வரவிருக்கும் ஹெர்ம்ஸ்-900 டிரோன்கள் இந்திய இராணுவத்தின் கண்காணிப்பு மற்றும் உளவுத்திறனை கணிசமாக மேம்படுத்தும். இந்திய இராணுவம் சமீபத்தில் இஸ்ரேலிலிருந்து ஹெரான் மார்க்-2 டிரோன்களை அறிமுகப்படுத்தியது. இவை வடக்குத் துறையில் தடுத்துக் தாக்கும் திறனுடன் பணியமர்த்தப்பட்டுள்ளன.
9. இந்திய வான்படையால் வடகிழக்கு மாநிலங்களில் நடத்தப்பட்ட வான்வழிப் பயிற்சியின் பெயர் என்ன?
அ. பூர்வி ஆகாஷ் 🗹
ஆ. சம்ப்ரிதி
இ. விகாஸ்
ஈ. சுதர்சன்
- இந்திய வான்படை, சீன எல்லையில் வடகிழக்கு மாநிலங்களில், ‘பூர்வி ஆகாஷ்’ என்ற குறிப்பிடத்தக்க வான்வழிப் பயிற்சியை நடத்தியது. இந்தப் பயிற்சியானது இந்திய இராணுவத்துடன் கூட்டுச் செயல்பாடுகளை உள்ளடக்கியது. ‘சுதர்ஷன்’ என்ற எஸ்-400 வான் பாதுகாப்பு எறிகணை அமைப்புகள் உட்பட மேம்பட்ட ஆயுத அமைப்புகள் இந்தப் பயிற்சியில் பயன்படுத்தப்பட்டன. இந்தப் பயிற்சியானது பிராந்தியத்தில் இந்திய ஆயுதப்படைகளின் தயார்நிலை மற்றும் ஒருங்கிணைப்பை மேம்படுத்துவதை நோக்கமாகக் கொண்டதாகும்.
10. ‘தேசிய புற்றுநோய் விழிப்புணர்வு நாள்’ அனுசரிக்கப்படுகிற தேதி எது?
அ. நவம்பர்.03
ஆ. நவம்பர்.05
இ. நவம்பர்.07 🗹
ஈ. நவம்பர்.09
- புற்றுநோயை முன்கூட்டியே கண்டறிதல், தடுத்தல் மற்றும் சிகிச்சையளித்தல் குறித்து மக்களுக்கு விழிப்புணர்வை ஏற்படுத்துவதற்காக கடந்த 2014ஆம் ஆண்டு முதல் ஒவ்வோர் ஆண்டும் நவம்பர்.7ஆம் தேதி இந்தியாவில், ‘தேசிய புற்றுநோய் விழிப்புணர்வு நாள்’ அனுசரிக்கப்பட்டு வருகிறது. உலக சுகாதார அமைப்பின் கூற்றுப்படி, உலகளவில் நிகழும் இறப்புகளுக்கு புற்றுநோய் இரண்டாவது முக்கிய காரணியாக உள்ளது. உலகளவில் 6 இறப்புகளில் 1 இறப்புக்கு இது காரணமாக உள்ளது.
11. சையத் முஷ்டாக் அலி T20 கோப்பையை வென்ற கிரிக்கெட் அணி எது?
அ. தமிழ்நாடு
ஆ. கேரளா
இ. பஞ்சாப் 🗹
ஈ. மேற்கு வங்காளம்
- சையத் முஷ்டாக் அலி T20 கோப்பைக்கான இறுதிப்போட்டியில் பரோடா அணிக்கு எதிரான போட்டியில் பஞ்சாப் அணி 20 ரன்கள் வித்தியாசத்தில் வெற்றி பெற்றது. பஞ்சாப் அணி இந்தப் பட்டத்தை வெல்வது இதுவே முதல்முறை. அன்மோல்பிரீத் சிங்கின் 61 பந்துகளில் 113 ரன்களும், நேஹால் வதேராவின் மற்றொரு 27 பந்துகளில் 61 ரன்களும் பஞ்சாப் அணிக்கு உதவியது. காந்த 1993இல் பஞ்சாப் அணி இரஞ்சிக் கோப்பையை வென்றபோது அந்த அணி கடைசியாக இந்தக் கோப்பையை வென்றிருந்தது.
செய்தித்தாள் நடப்பு நிகழ்வுகள்
கடந்த 2000ஆம் ஆண்டு உத்தர பிரதேச மாநிலத்திலிருந்து தனியே பிரிக்கப்பட்டு உத்தரகண்ட் மாநிலம் உருவாக்கப்பட்டது. அம்மாநிலம் அதன் 23ஆம் ஆண்டுதினம் 2023 நவ.09 அன்று கொண்டாடியது. உத்தரகண்ட் மாநிலத்தின் தலைநகரம் டேராடூன் ஆகும்.
2. தேசிய விளையாட்டுப் போட்டிகள்: மகாராஷ்டிரம் சாம்பியன்; தமிழ்நாடு 10ஆம் இடம்.
கோவாவில் நிறைவடைந்த 37ஆவது தேசிய விளையாட்டுப் போட்டிகளில் மகாராஷ்டிரம், ஒட்டுமொத்த சாம்பியன் பட்டம் வென்றது. அந்த அணி மொத்தம் 228 பதக்கங்கள் பெற்றது. சர்வீசஸ் அணி 126 பதக்கங்களுடன் இரண்டாம் இடமும், ஹரியாணா 192 பதக்கங்களுடன் மூன்றாம் இடமும் பிடித்தன. போட்டியை நடத்திய கோவாவின் அணி, 92 பதக்கங்களுடன் 9ஆம் இடம்பிடித்தது. தமிழ்நாட்டின் அணி 19 தங்கம், 26 வெள்ளி, 32 வெண்கலம் என 77 பதக்கங்களுடன் 10ஆம் இடம்பிடித்தது.
போட்டியிலேயே சிறந்த வீரராக கர்நாடக நீச்சல் வீரர் ஸ்ரீஹரி நட்ராஜ் தேர்வானார். அவா் 8 தங்கம், 1 வெள்ளி, 1 வெண்கலம் என 10 பதக்கங்கள் பெற்றிருந்தார். சிறந்த வீராங்கனையாக ஒடிஸாவின் ஜிம்னாஸ்டிக்ஸ் வீராங்கனைகள் சன்யுக்தா பிராசென் காலே, பிரனதி நாயக் ஆகியோர் தேர்வாகினர். இருவருமே தலா 4 தங்கம், 1 வெள்ளி என 5 பதக்கங்கள் கைப்பற்றியிருந்தனர்.
3. அரசுப் பேருந்து புகார்களுக்கு, ‘149’.
அரசுப் பேருந்து தொடர்பான புகார்களை, ‘149’ என்னும் புதிய எண்ணில் தொடர்புகொண்டு தெரிவிக்கலாம் என்று தமிழ்நாடு அரசுப் போக்குவரத்துக்கழகம் தெரிவித்துள்ளது. இதற்குமுன் கட்டணமில்லாத 1800 599 1500 என்னும் 11 இலக்க தொலைபேசி எண் நடைமுறையில் இருந்து வந்தது.
4. விண்வெளி, பாதுகாப்புத் துறை உற்பத்தி, அதிநவீன ஆராய்ச்சிக்கு உகந்த மாநிலம் தமிழ்நாடு.
விண்வெளி, பாதுகாப்புத் துறை சார்ந்த உற்பத்தி, அதிநவீன ஆராய்ச்சிப் பணிகளுக்கு தமிழ்நாடு உகந்த மாநிலமாக திகழ்ந்து வருவதாக தமிழ்நாட்டின் தொழிற்துறை தெரிவித்துள்ளது.
எஞ்சின் உற்பத்திக்கான தொகுதியாக ஓசூரு விரிவாக்கம் செய்யப்பட்டுள்ளது. கோயம்புத்தூர் – சூலூர், வாரப்பட்டி ஆகியவை விண்வெளி, பாதுகாப்புத் திட்டங்களுக்குச் சிறந்த பகுதிகளாக விளங்குகின்றன. ஆளில்லா விமானங்க -ளுக்காக பிரத்யேக பரிசோதனை நிலையங்கள் காஞ்சிபுரம் மாவட்டத்தில் அமைக்கப்பட்டு வருகின்றன. குலசேகரப்பட்டினத்தில் விண்வெளித்துறை சார்ந்த நிறுவனங்களுக்கு உகந்த சூழல் உருவாக்கப்பட்டுள்ளது. நாட்டில் உள்ள இரண்டு பாதுகாப்பு தொழில்துறை தாழ்வாரங்களில் ஒன்றாக தமிழ்நாடு உள்ளது. இதற்கு விண்வெளி, பாதுகாப்புத் துறை கொள்கை – 2022, ஆராய்ச்சி மற்றும் மேம்பாட்டுக் கொள்கை – 2022 போன்றவை உறுதியான ஆதரவை அளிக்கவுள்ளன என தமிழ்நாட்டின் தொழிற்துறை தெரிவித்துள்ளது.
5. தமிழ்நாடு அரசின் இணையவழி சூதாட்ட தடைச்சட்டம் செல்லும்.
இணையவழி சூதாட்டங்களுக்கு தடைவிதித்து தமிழ்நாடு அரசு கொண்டுவந்த சட்டம் செல்லும் என்று சென்னை உயர்நீதிமன்றம் தீர்ப்பளித்துள்ளது. அதேவேளையில் திறமைக்கான இணையவிளையாட்டுகளான ரம்மி, போக்கர் ஆகியவற்றை அனுமதிக்கும் வகையில், அவற்றை தடைசெய்த பிரிவுகளை ரத்துசெய்து நீதிபதிகள் உத்தரவிட்டனர்.
இணையவழி சூதாட்ட தடைச்சட்டம்:
தமிழ்நாடு இணையவழி சூதாட்ட தடை, ஒழுங்குபடுத்துதல் சட்டம் கடந்த 2022ஆம் ஆண்டு அக்.19-ஆம் தேதி நிறைவேற்றப்பட்டது. இணையவழி சூதாட்ட தடைச்சட்ட மசோதாவுக்கு ஆளுநர் ஆர் என் ரவி கடந்த ஏப்ரல் 10-ஆம் தேதி ஒப்புதல் அளித்தார். இதையடுத்து ஆன்லைன் சூதாட்ட தடைச் சட்டம் உடனடியாக அரசிதழில் வெளியிடப்பட்டு அமலுக்கு வந்தது.
தண்டனை விவரம்:
இச்சட்டத்தின்படி, இணைய விளையாட்டில் ஈடுபடுவோருக்கு 3 மாதங்கள் சிறை அல்லது `5,000 அபராதத்துடன் சிறைத்தண்டனை விதிக்கப்படும். இணையவழி விளையாட்டுக்காக விளம்பரம் செய்வோருக்கு ஓராண்டு சிறை அல்லது `5 இலட்சம் அபராதம் / இரண்டும் சேர்த்து விதிக்கப்படும். இதுபோன்ற விளையாட்டுகளை அளிப்பவர்க்கு 3 ஆண்டு சிறை அல்லது `10 லட்சம் அபராதம் அல்லது இரண்டும் சேர்த்து தண்டனையாக விதிக்கப்படும். இவர்கள் மீண்டும் தவறுசெய்தால், 5 ஆண்டுகள் சிறைத்தண்டனை, `20 இலட்சம் அபராதம் விதிக்கப்படும்.
IMPORTANT LINKS
TNPSC Current Affairs
Tnpsc Current Affairs 2024 in Tamil & English Monthly Pdf files Download Quiz Online Test
Winmeen: Install the Winmeen App – Daily Free & Premium Tnpsc Study Materials & Online Test
https://play.google.com/store/apps/details?id=co.robin.jbzwb
Winmeen: Winmeen Tnpsc Test Series – Samacheer lesson Wise Test + Previous Year Model Test for Tnpsc Group 1,2, 4 & VAO
https://wp.me/p7JanY-ag8
